الأربعاء، 21 أكتوبر 2015

DIY :" GIFT IN FRAME "/ WHAT I GOT FROM Alshop.com / إعمليها بنفسج :" هديه في إيطار " / مشترياتي من الشوب دوت كوم

.

السلام عليكم ورحمه الله وبركاته 



رجعت لكم بموضوع شوي مختلف عن المواضيع السابقه 
موضوع بسيييط جدا ويجمع شيئين ف موضوع واحد ^^
"سمحولي على رداءة التصوير لانه من الفون"





طبعا أنا من محبي الاشغال اليدويه ،من صغري كنت اجمع اشيا وانسقها واركبها مع بعض
كنت اجمع صناديق واسويها بوكسات للهدايا طبعا كان التزيين بسيط هههه كم شخبطه ومع شوي خرز
ايام حلوه، كنت ماحب ارمي الاشيا اللي ماستعملها مثل عندي سلسله فيها خرز
كنت احتفظ فيها وكانت اتيي ايام واحتاج للخرز واستخدمه ف اشغالي اليدويه 

اليوم بعلمكم فكره حلوه وايد احب اسويها حق تقديم الهدايا

"هديه في ايطار

فالبدايه اشتغلت على الايطار بس ماضبط وبدلت الايطار ب سبوره الطباشير



الاشيا اللي نحتاجها :

١- ايطار . . هذا الايطار عباره عن ايطاره للوحه البيضا للرسم
 بس اختي ماحبت رسمتها وشلت القطعه البيضا وخلت الايطار

٢- حشيش صناعي . . . بتحصلونه في دايسو والمكتبات

٣- مسدس الشمع 

٤- لوح من البووه 

٥- مقص



طبعا أول شي نضبط مقاسات الحشيش ونسوي بروفا قبل لا انلصقهم



عقب تضبيط القياسات نبدا انلصق ب مسدس الشمع 


وتقريبا يكون جي شكله بس طبعا نحتاج انثبت لوح البووه من ورى عشان يكون الحشيش ثابت اكثر لما انحط الهديه



وبس ها شكل الهديه في النهايه
انا غيرت الايطار ونقلت الحشيش على صبوره الطباشير 
وانا افضل الصبوره لانها امسك وثبت 
اما البطاقه اللي على اليمين رح يكون لها موضوع خاص فيها بإذن الله 



اني للشي الثاني 

اشتريت شيئيين من موقعي المفضل الشوب دوت كوم 


Lorac Pro To Go Eye/Cheek Palette


هالباليت شي عجيييب، فيه كذا شي ف علبه وحده احس شي عملي ويعني وين ماتروحين تاخذينه وياج احس انه مفيد


اللي على اليمين مجموعه ايشادوهات الوانها وايد حلوه وعمليه 
والحلو ثلاث الوان مات وثلاث شيمر يعني راضين الطرفين 

اللي على اليسار مجموعه بلاشر واحد مايل للبرتقالي شمر والثاني وردي مات والثالث برونزر

يعني ب هالمجموعه الحلوه تقدرين تسوين مكياج خفيف وثقيل 

وحبيت بعد الباكج مالهم عملي وفيه مرايه وفرشاتين 


اعطيه ١٠٠ من عشره ههههه لانه جد هالباليت وايد يفورلج مساحه اذا بتستخدمينه حق سفر
يجمع مجموعه اساسيه ف باليت واحد 


الشي الثاني اللي خذيته وهو عباره عن هديه وللاسف ماقدرت اصوره عدل



Benefit Feelin Dandy Lip & Cheek Kit



هالبوكس من بينيفت وفي الصوره باينه الاشيا اللي موجودة فيه 
حسيته مناسب يكون هديه ل بنت وبالاخص يحتوي على اشيا تقريبا اساسيه وعمليه


وبس بجي أكون خلصت 

أتمنى يعجبكم الموضوع 


كونوا بالقرب








ليست هناك تعليقات:

إرسال تعليق